بعد بتر قدمه.. تدهور الحالة الصحية للمخرج أحمد البدري ونقله للعناية المركزة

أعلن صديق المخرج أحمد البدري، تدهور حالته الصحية بعد بتر قدمه، من خلال منشور كتبه على فيسبوك.

وقال صديق المخرج أحمد البدري: صديقي الغالي المخرج أحمد البدري، أرجو من كل اللي يعرفه عن قرب يزوره في المستشفى لأن حالته الصحية صعبة جدًا جدًا وغير مستقرة.

وتابع: بتر القدم بالكامل رجله الشمال كلها اتشالت وسكر غير مستقر والتنفس صعب جدا وتسمم في الدم، هو في معهد ناصر اللي على الكورنيش في الرعاية المركزة، الزيارة من الساعة 4 إلى 5 فقط، ادعوا له وزيارة المريض بتفرق معاه كتير لأن الوضع صعب، ربنا يشفيك ويعافيك وتقوم بألف سلامة.

وأضاف: أرجوكم لما حد يكون قريب منكم وفيه عشرة وتعب أو في محنة روحوا زوروه واطمنوا عليه بنفسكم بلاش جو البوستات وشغل السوشيال ميديا، ممكن يكون فيه بُعد من زحمة الحياة بس لو حد بينك وبينه عشرة واتحط في موقف اجري وروح له عشان لما تقع تلاقي الناس حواليك، ربنا يشفي ويعافي كل مريض ويشفيك يا بدري.